Opin sýning – tilvalin æfing fyrir hundinn þinn!

Þann 24. júlí verður haldin opin sýning á vegum sýningadómaranefndar HRFÍ á höfuðborgarsvæðinu (nákvæm staðsetning auglýst fljótlega). Þetta er frábært tækifæri til að æfa fyrir sýningarnar í ágúst, venja hundinn við hringinn í afslöppuðu umhverfi og sjá hvernig sýning gengur fyrir sig. Ef þú veist ekki hvort sýningar HRFÍ séu fyrir þig og hundinn þinn, er góð hugmynd að koma og taka þátt í opinni sýningu. Þetta er afslappað umhverfi þar sem þú og hundurinn þinn fáið tækifæri til að kynnast framgangi sýningar.

• Verð: 2.000 kr. á hund, eingöngu til að standa undir kostnaði.
• Tími: Áætlað að sýningin hefjist kl. 17:30. PM auglýst síðar.
• Athugið: Ekki er boðið upp á hvolpaflokka og ekki er keppt um meistarastig.
• Allir hundar fá skriflega umsögn og einkunn, í hverri tegund er valinn fulltrúi tegundar og í lok sýningar valinn besti hundur sýningar.

Dómarar sýningarinnar eru þátttakendur í dómaranámskeiði HRFÍ, og er sýningin liður í undirbúningi fyrir úrtökupróf í dómaranámi. Dómarar sýningarinnar:

• Anja Björg Kristinsdóttir
• Erla Heiðrún Benediktsdóttir
• Guðbjörg Guðmundsdóttir
• Helga Kolbeinsdóttir
• Hilda Björk Friðriksdóttir
• María Björg Tamimi
• Sigríður Margrét Jónsdóttir
• Stefanía Sigurðardóttir
• Sunna Birna Helgadóttir
• Þórdís María Hafsteinsdóttir

Skráning er hafin í gegnum Hundavef að venju. Hámarksfjöldi er 200 hundar og skráningu lýkur þriðjudaginn 16. júlí kl. 15:00 eða um leið og hámarksfjölda er náð. Gríptu tækifærið til að æfa þig og hundinn þinn í öruggu og hvetjandi umhverfi. Skráðu þig strax og tryggðu þér pláss!