Opin sýning í október – tilvalin æfing fyrir hundinn þinn!

Þann 25. október verður haldin opin sýning á vegum sýningadómaranefndar HRFÍ í reiðhöll Fáks í Víðidal. Þetta er frábært tækifæri til að æfa sig og venja hundinn við hringinn í afslöppuðu umhverfi og sjá hvernig sýning gengur fyrir sig. 

• Verð: 2.000 kr. á hund, eingöngu til að standa undir kostnaði.
• Tími: Áætlað að sýningin hefjist kl. 10:00. PM auglýst síðar.
• Boðið upp á hvolpa- og fullorðins flokka.
• Athugið: ekki er keppt um meistarastig.
• Allir hundar fá skriflega umsögn og einkunn, í hverri tegund er valinn besti hvolpur tegundar og besti hundur tegundar, og í lok sýningar valinn besti hvolpur sýningar og besti hundur sýningar.

Dómarar sýningarinnar eru þátttakendur í dómaranámskeiði HRFÍ, og er sýningin liður í undirbúningi fyrir úrtökupróf í dómaranámi. Dómarar sýningarinnar:

• Anja Björg Kristinsdóttir
• Erla Heiðrún Benediktsdóttir
• Guðbjörg Guðmundsdóttir
• Helga Kolbeinsdóttir
• Hilda Björk Friðriksdóttir
• María Björg Tamimi
• Sigríður Margrét Jónsdóttir
• Stefanía Sigurðardóttir
• Sunna Birna Helgadóttir
• Þórdís María Hafsteinsdóttir

Skráning er hafin í gegnum Hundavef að venju. Hámarksfjöldi er 250 hundar og skráningu lýkur fimmtudaginn 16. október kl. 15:00 eða um leið og hámarksfjölda er náð. Gríptu tækifærið til að æfa þig og hundinn þinn í öruggu og hvetjandi umhverfi. Skráðu þig strax og tryggðu þér pláss!